Jorn: |
febrièr de 2018 |
Luòc: |
Sala d’Actes de la Casa del Mar (C/Albareda, 1, 08004 Barcelona) |
Ora: |
de 9:00 a 14:00h |
Destinataris: |
mèstres de Primària, professorat d’educacion segondària obligatòria e bachelierat, especialament, de l’airal de lenga. |
Organiza: |
Departament d’Ensenhament de la Generalitat de Catalonha |
Inscripcion fins al 31 de decembre de 2017
Plaças limitadas. L’adjudicacion de las plaças se farà per ordre d’inscripcion.
Presentacion
La Jornada pedagogica “L’occitan, aranés en Aran, a l’escòla de Catalonha” vòl èsser un punt de rencontre de la comunautat educativa per la difusion de la lenga, la cultura e la literatura occitanas. Aital, aquesta trobada vòl donar aisinas pedagogicas als mèstres e professors per poder trabalhar la lenga en classa dins un contèxte d’intercompreneson lingüistica romanica.
Objectius:
- Conéisser la realitat culturala e lingüistica occitana, lenga pròpria d’Aran e oficiala en Catalonha tota.
- Analizar lo ròtle de la lenga occitana dins lo contèxte escolar de Catalonha.
- Descobrir los recorses per un apròchi didactic a l’occitan.
- Explorar las escasenças de l’occitan coma un recors didactic en classa.
- Mostrar l’importància de l’estrategia de l’intercompreneson lingüistica romanica com una aisina per aténher la competéncia plurilingua e interculturala.
Programa de la I Jornada: L’occitan, aranés en Aran, a l’escòla de Catalonha
08:30- 09:00 h. Recepcion de participants.
09:00 h. Planvenguda institucionala per Pere Mayans, cap del Servei d’Immersió i Acolliment Lingüístics (Departament d’Ensenyament).
09:15 h. Session plenària:
Per de qué vos cal l’occitan? L’occitan dins l’encastre de l’estrategia d’intercompreneson lingüistica romanica: l’experiéncia d’una formacion telematica pel professorat.
Manèl Zabala, escrivan e jornalista de l’Associacion entara Difusion d’Occitània en Catalonha (ADÒC), e Jordi Ortiz, tecnician del Servei d’Immersió i Acolliment Lingüístics (Departament d’Ensenhament) exprimiràn per de qué l’occitan es una aisina necessària per l’ensenhament e cossí s’es debanada la primièra formacion telematica per de professors a prepaus de la lenga e la cultura occitanas dins un encastre clar: l’intercompreneson entre lengas romanicas.
10:15 h. Pausa cafè.
10:45 h. Seminari 1:
Cors zèro d’occitan: introduccion a l’occitan estandard
per Thiago Mòri, professor d’occitan. Lo seminari darà de pichonas entresenhas per conéisser los elements basics de la lenga occitana estandard.
11:20 h. Seminari 2:
La construcció d’un imaginari compartit occitanocatalà: reflexions a l’entorn dels continguts per a una aproximació a l’aula
per Jaume Figueras, professor de lenga catalana e literatura dins l’INS Baix Penedès (El Vendrell). En tot partir de las relacions que compartisson las lengas e las culturas catalana e occitana, se veiràn possibles continguts per un apròchi a l’occitan en classa.
11:55 h. Seminari 3:
Er ensenhament der occitan aranés en Barcelona
per Elisa Salomon, professora d’occitan aranés a Barcelona del Conselh Generau d’Aran.
12:30 h. Seminari 4:
Jornalet, era experiéncia de hèr un jornau en occitan
per Ferriòl Macip, director de Jornalet, Gaseta occitana d’informacions e jornalista de l’Associacion entara Difusion d’Occitània en Catalonha (ADÒC).
13:00 h. Taula redonda:
Lo ròtle de l’occitan, aranés en Aran, a l’escòla de Catalonha: reflexions, recomandacions e prepausas.
En aquesta taula redonda, Elisa Salomó (CGA), Thiago Mòri (CAOC), Ferriol Macip (ADÒC), Manèl Zabala (ADÒC), Jaume Figueras (Departament d’Ensenhament) e Jordi Ortiz (Departament d’Ensenyament) conversaràn sul ròtle que deu jogar la lenga e la cultura occitanas a l’escòla, en tot pensar en un imaginari cultural occitanocatalan partajat e amb de recomandacions e prepausas dels sectors que trabalhan per la difusion de la lenga en Catalonha.
Moderador: Pere Mayans (Cap del Servei d’Immersió i Acolliment Lingüístics del Departament d’Ensenyament)
13:45 h Debat e temps de paraula, e barradura de la jornada
Mai d’informacions
Pòt se trapar mai d’informacions a:
Pagina web oficiala de lenga e cultura occitanas del Departament d’Ensenyament: http://projectes.xtec.cat/occita/
Contacte:
- Jordi Ortiz (jortiz35@xtec.cat)
- Lenga e cultura occitanas (occita@xtec.cat)
- Servei d’Immersió i Acolliment Lingüístics (formacio@xtec.cat)
