portada

Lanbide Heziketako mugikortasun-prestatzaileen prestakuntza Toulousen

Mon Bover12/02/18  

Heziketako 22 mugikortasun-prestatzaile trebatu dituzte, adituak izan daitezen Aragoiren, Catalunyaren, Euskadiren, Nafarroaren, Nouvelle-Aquitaineren eta Occitanieren artean ikasketa- eta praktika-mugikortasuneko egonaldiak antolatzen eta kudeatzen. Pertsona horiek Lanbide Heziketako 102 profesional prestatuko dituzte, ikasketa- eta praktika-mugikortasunak susta eta presta ditzaten PyireneFP proiektuko kide diren eskualdeetako zentroetan. Guztira, Lanbide Heziketako 44 zentrotako 452 ikaslek hartuko dute parte mugikortasunetan, proiektuko kide diren eskualdeetan.

Bestetik, Lanbide Heziketako mugikortasun-sarea sortuko da prestakuntza horien bidez, proiektuko kide diren eskualdeen artean mugikortasunak, trukeak eta jarduera onak sustatze aldera.

Lanbide Heziketako orientazio-prestatzaileen prestakuntza Donostian

admin28/01/18  

2018ko urtarrilaren 22an eta 23an, Lanbide Heziketako orientazio-prestatzaileen prestakuntza egin da Donostian (Gipuzkoan).

Proiektuko kide diren erakundeetako adituek eskualde bakoitzeko bi teknikari trebatu dituzte orientazioan eta aholkularitzan, eta horiek 149 profesional trebatuko dituzte eremu horretan. Saioan, Espainiako eta Frantziako heziketa-ereduak eta lan-esperientzia aitortzeko sistemak landu dituzte, kasu praktikoak jorratuz, eta eskualdeetako prestakuntza-planak diseinatu dira.

Prestatzaileen prestakuntzarekin, eskualde kideetako 22 zentro edo orientazio-unitatetako 243 pertsonari aholku emango dieten orientatzaileen sarea sortu ahalko da.

Prestatzaileen prestakuntza antolatzeko bilera

admin09/01/18  

PyireneFP proiektuko herrialde kideetan Lanbide Heziketako mugikortasunean eta orientazioan adituak diren pertsonak Bartzelonan elkartu dira, prestatzaileen prestakuntza antolatzeko (2018ko urtarrilean eta otsailean egingo dira prestakuntza-saio horiek).

Lanbide Heziketako mugaz gaindiko ingurune koordinatua sortzea da PyireneFP proiektuaren xede nagusia. Gune horretan, lanbideei, prestakuntza-mugikortasunari eta Lanbide Heziketari buruzko informazio- eta orientazio-zerbitzuak eskaini nahi dira, elkarri aitortza eginez, titulazioak eskuratze aldera. Xede horiek lortu ahal izateko, baina, prestakuntza-mugikortasuneko eta lanbide-orientazioko adituak trebatu behar dira.

Hasierako Emaitzak

admin27/03/17  

Burutu den hasierako emaitzetako bat izan da proiektuaren weba sortzea eta aurkeztea komunikatzeko eta hura hedatzeko tresna nagusi gisa.

Bertan sartu dira proiektuaren aurreko edizioetako weben fitxak: PIREMOBV eta PIREFOP.

PyireneFP Proiektua Abiaraztea

xtecadmin27/10/16  

Bartzelonan izan zen, 2016ko urriaren 5ean, PyireneFP izeneko Europar proiektuaren Gidaritza-batzordearen lehenengo bilera: Pirinioak, orientazioa, mugigarritasuna eta lanbide-heziketa. Bertan, inplikatutako eskualde mugakideen sei gobernuen ordezkaritzek hartu zuten parte. Aragoi, Katalunia, Nafarroa, Euskal Autonomia Erkidegoa, Akitania berria eta Okzitania.

Lanbide-informazio eta orientazio zerbitzu koordinatuak eskaintzean datza proiektua, lanbide-heziketako eskaintzei buruz eta lan-esperientzia aitortzeari buruz mugaz haraindiko eremuetan. Horretaz gain, aurreikusita dago mugaz haraindiko trukeak eta mugigarritasun-ekintzak sustatzea lanbide-heziketako ikasle eta irakasleentzat, baldin eta praktikak egin nahi badituzte muga franko-espainiarreko sei eskualdeetako bateko enpresetan, eta zentroetan prestakuntza hori jarraitu nahi badute.