Un dels objectius del sistèma educatiu nos ditz que l’escolanat deu aver una “actitud positiva d’interés e de fisança envers l’aprendissatge de lengas estrangièras e per conéisser d’autras lengas e culturas”.
La lenga occitana, coma lenga pròpria e oficiala en Aran e, tre la reforma estatutària de 2006 e l’aprobacion de la Lei der Occitan, aranés en Aran, de 2010, coma lenga oficiala en Catalonha tota, es una riquesa lingüistica e culturala que nos fa partida a totes los ciutadans de Catalonha e Aran. En la linha de la potenciacion de la formacion de locutors plurilingües e pluriculturals que sián capables d’interagir de per un mond globalizat complèx, l’aprendissatge de la lenga occitana deven una aisina fondamentala per a l’accès a la rèsta de lengas de l’airal romanic.
L’activitat formativa Lenga e cultura occitanas I es una formacion telematica e publica pel professorat de Primari e Segondari pensada coma una formacion propedeutica que se propausa, coma tòca, la sensibilizacion e la coneissença basica d’una lenga que fa partida de nòstre patrimòni e nòstre futur coma pòble, amb una intencion plan decidida: introdusir dins las classas lo plurilingüisme d’una forma efectiva e eficaça pel biais de l’occitan.
L’inscripcion restarà dobèrta fins al divendres 1 de març en aquel ligam en metent lo còdi 9001960555 al cercaire d’activitats. L’assisténcia e profechament del cors certificarà 30 oras de formacion.